ৰাজ্য চৰকাৰৰ তৃতীয় আৰু চতুৰ্থবৰ্গৰ ১৪ হাজাৰ খালী পদৰ বিপৰীতে নিযুক্তি আয়োগে ৩২ লাখতকৈ অধিক আবেদন লাভ কৰিছে। নিযুক্তি পৰীক্ষা পৰিচালনাৰ দায়িত্ব লাভ কৰা ছেবাই প্ৰকাশ কৰা তথ্য অনুসৰি ১৫ ছেপ্তেম্বৰত অনুষ্ঠিত হ’বলগীয়া তৃতীয়বৰ্গৰ পদৰ বিপৰীতে ১১ লাখ ২৩ হাজাৰতকৈ অধিক প্ৰাৰ্থীয়ে আবেদন কৰিছে। একেদৰে ২৯ ছেপ্তেম্বৰৰ আগবেলা হ’বলগীয়া স্নাতক পৰ্যায়ৰ পদৰ বাবে পাঁচ লাখ ২৯ হাজাৰতকৈ অধিক প্ৰাৰ্থীয়ে আবেদন কৰিছে। একেটা দিনতে আবেলি হ’বলগীয়া চালক পদৰ বাবে দুই লাখ চাৰি হাজাৰতকৈ অধিক প্রার্থীয়ে আবেদন কৰিছে। ২৭ অক্টোবৰ আগবেলা হ’বলগীয়া দশম শ্রেণী উত্তীর্ণ পৰ্যায়ৰ খালী পদৰ বাবে সর্বাধিক ৮ লাখ ২৭ হাজাৰতকৈ অধিক প্রার্থী আৰু অষ্টম শ্রেণী উত্তীৰ্ণ পৰ্যায়ৰ চতুৰ্থবৰ্গৰ পদৰ বিপৰীতে ৫ লাখ ৫২ হাজাৰতকৈ অধিক প্রার্থীয়ে আবেদন জাইছে। পৰীক্ষা পৰিচালনাৰ বাবে জিলা আয়ুক্তসকলক ছেৱাই পৰীক্ষা কেন্দ্ৰৰ সুব্যৱস্থা কৰিবলৈ নিৰ্দেশ দিছে। সেই অনুসৰি প্ৰতিটো পৰীক্ষাকেন্দ্ৰত ২৫০ জন প্ৰাৰ্থী অৱতীৰ্ণ হ’ব পাৰিব।