ৰাজ্য চৰকাৰে ই-শ্ৰমত পঞ্জীয়নভুক্ত অসংগঠিত খণ্ডৰ কোনো শ্রমিকৰ দুৰ্ঘটনাত মৃত্যু বা অংগক্ষত হ’লে তেনে শ্রমিকলৈ আৰ্থিক সাহায্য আগবঢ়োৱাৰ সিদ্ধান্ত লৈছে। ২০২১ চনৰ ২৬ আগষ্টৰ পৰা ২০২২ চনৰ ৩১ মাৰ্চৰ ভিতৰত ই-শ্ৰমত পঞ্জীয়নভুক্ত শ্রমিকৰ ২০২২ চনৰ ৩১ মার্চ বা তাৰ পূৰ্বে কোনো দুৰ্ঘটনাত মৃত্যু বা অংগক্ষত হ’লে ইয়াৰ বাবে আবেদন কৰিব পাৰিব। দুৰ্ঘটনাত মৃত্যু হোৱা শ্ৰমিকলৈ দুই লাখ টকাকৈ আগবঢ়োৱাৰ লগতে দুয়োটা চকু বা দুয়োখন হাত অথবা দুয়োটা ভৰি নষ্ট হোৱা শ্ৰমিকলৈ ২ লাখ টকাকৈ সাহায্য আগবঢ়োৱা হ’ব। আনহাতে এটা চকু, এখন হাত অথবা এটা ভবি নষ্ট হোৱা শ্ৰমিকলৈ এক লাখ টকাকৈ আগবঢ়োৱা হ’ব। এই সাহায্য লাভৰ অৰ্থে আবেদনৰ বাবে শ্রমিক অথবা তেওঁৰ আইনী উত্তৰাধিকাৰীয়ে জিলা আয়ুক্ত কাৰ্যালয় বা সমীপৰ শ্রম কল্যাণ বিভাগৰ কাৰ্যালয়ৰ সৈতে যোগাযোগ কৰিব লাগিব ৷