ৰাজ্যৰ ১৯ খন জিলাৰ ১৬১ খন প্রাথমিক বিদ্যালয় একত্ৰিকৰণ কৰিবলৈ ৰাজ্য চৰকাৰে নিৰ্দেশ দিছে। ইয়াৰ পূৰ্বে ২০২৩ বৰ্ষত ৰাজ্যৰ ৮,০৬৬ খন প্রাথমিক বিদ্যালয় আন বিদ্যালয়ৰ লগত চামিল কৰা হৈছে। ৰাজ্য চৰকাৰৰ শিক্ষা ক্ষেত্ৰ আঁচনিৰ অধীনত প্ৰাথমিক বিদ্যালয়ৰ একত্ৰিকৰণ প্ৰক্ৰিয়া সম্পন্ন কৰা হৈছে। এইবাৰ মাজুলী জিলাৰ ৩১ খন প্রাথমিক বিদ্যালয় আন বিদ্যালয়ৰ লগত চামিল কৰা হয়। ইয়াৰ উপৰি কৰিমগঞ্জ আৰু লখিমপুৰত ১৯ খনকৈ, বঙাইগাঁৱত ১৪ খন, হাইলাকান্দিত ১০ খন, কাছাৰত ৯ খন, শিৱসাগৰত ৮ খন, নগাঁৱত আৰু যোৰহাটত ৭ খনকৈ, বৰপেটা আৰু নলবাৰীত ৬ খনকৈ, তিনিচুকীয়া, ডিব্ৰুগড় আৰু কামৰূপত ৪ খনকৈ, শোণিতপুৰ, গোৱালপাৰা আৰু মৰিগাঁৱত ৩ খনকৈ প্ৰাথমিক বিদ্যালয় আন বিদ্যালয়ৰ সৈতে চামিল কৰা হয়।