বিগত পাঁচ বছৰত ৰাজ্যৰ MUTUAL FUND খণ্ডত বিনিয়োগৰ হাৰ অভাৱনীয় হাৰত বৃদ্ধি হৈছে। এই ক্ষেত্ৰখনত ২০২০-ৰ ১১ হাজাৰ ২৯৮ কোটি টকাৰ বিপৰীতে ২০২৪-ত বিনিয়োগৰ পৰিমাণ ১৫৯ শতাংশ বৃদ্ধিৰে ২৯ হাজাৰ ২৬৮ কোটি টকা হৈছে। মুখ্যমন্ত্রী ড° হিমন্ত বিশ্ব শৰ্মাই কালি সামাজিক মাধ্যমযোগে এই তথ্য প্ৰকাশ কৰি কয় যে MUTUAL FUND-ত অসমৰ বিনিয়োগৰাকীৰ বিনিয়োগ বৃদ্ধিৰ এই বাতৰিয়ে আশাৰ বতৰা কঢ়িয়াইছে। এই পৰিসংখ্যাই ৰাজ্যৰ বিনিয়োগ বজাৰসমূহৰ ওপৰত জনসাধাৰণৰ আস্থাৰ লগতে আয় বৃদ্ধিৰো সংকেট বহন কৰা বুলি তেওঁ উল্লেখ কৰে।