ভাৰতে হাংগেৰীত অনুষ্ঠিত ৪৫ সংখ্যক দবা অলিম্পিয়াদৰ মুকলি শিতানৰ সপ্তম ৰাউণ্ডত কালি চীনক ২.৫১ দশমিক ৫ ফলাফলেৰে পৰাস্ত কৰে। ভাৰতৰ হৈ ডম্মা ৰাজু গুকেছে চীনা প্রতিদ্বন্দ্বী ৱেই ইক পৰাস্ত কৰাৰ বিপৰীতে ৰাউণ্ডৰ বাকী তিনিখন খেল ড্র’ৰে সমাপ্ত হয়। এই ফলাফলৰ সুবাদত মুকলি শিতানত ভাৰতীয় দলটোৱে মুঠ ১৪ পইণ্ট অৰ্জন কৰিছে। একেদৰে, ভাৰতীয় মহিলা দলটোৱেও জর্জিয়াৰ বিৰুদ্ধে বিজয় সাব্যস্ত কৰি ১৪ পইণ্ট লাভ কৰিছে। দুয়োটা দল এই পর্যন্ত প্রতিযোগিতাত অপৰাজিত হৈ আছে আৰু পইণ্ট তালিকাৰ শীৰ্ষত আছে।