ভাৰতীয় ক্রিকেট কন্ট্রল বোর্ড -বি চি চি আইয়ে কালি ১৯ বছৰৰ অনুৰ্ধৰ ভাৰত আৰু অষ্ট্ৰেলিয়াৰ মাজত অনুষ্ঠিত হবলগীয়া ক্রিকেট প্রতিযোগিতাৰ মাল্টি ফৰমেট হোম ছিৰিজৰ সময়সূচীৰ ঘোষণা কৰে। জুনিয়ৰ বাচনি সমিতিয়ে ৩ খন ৫০ অভাৰৰ খেল আৰু ২ খন চাৰিদিনীয়া খেলৰ বাবে ১৯ বছৰৰ অনুৰ্ধৰ খেলুৱৈসকলক বাচনি কৰি উলিয়াইছে। মহম্মদ আমনে ৫০ অভাৰৰ বাবে খেলিবলগীয়া দলটোক আৰু চোহম পাটৱৰ্ধনে ৪ দিনীয়া খেলৰ দলটোক নেতৃত্ব দিব। ৫০ অভাৰৰ ৩ খন খেল ২১ ছেপ্তেম্বৰৰ পৰা পুডুচেৰীত আৰম্ভ হ’ব আৰু দুখন ৪ দিনীয়া খেল একে মাহৰ ৩০ তাৰিখৰ পৰা চেন্নাইত অনুষ্ঠিত হ’ব।