বিটিচি প্ৰশাসনৰ উদ্যোগত অহা ১৫ আৰু ১৬ নৱেম্বৰত নতুন দিল্লীত দুদিনীয়াকৈ বড়োলেণ্ড মহোৎসৱ অনুষ্ঠিত হ’ব। নতুন দিল্লীৰ ইন্দিৰা গান্ধী ষ্টেডিয়ামত অনুষ্ঠিত হ’বলগীয়া এই মহোৎসৱত বড়ো সমাজৰ কলা- সংস্কৃতি আদি প্ৰদৰ্শন কৰা হ’ব। ১৫ নৱেম্বৰৰ কাৰ্যসূচীত প্রধানমন্ত্রী নৰেন্দ্র মোদীয়ে অংশগ্ৰহণ কৰাৰ কথা। এই মহোৎসৱৰ সৈতে সংগতি ৰাখি কালি বিয়লি কাজলগাঁৱত বড়ো সাহিত্য সভা, নিখিল বড়ো ছাত্ৰ সন্থা আৰু বড়ো সাংস্কৃতিক মঞ্চৰ উদ্যোগত এটা শোভাযাত্ৰা উলিওৱা হয়।