ভাৰতীয় মহিলা দলটো আজি চীনৰ হংকঙত চলি থকা বিশ্ব স্কোৱাচ চেম্পিয়নশ্বিপ ২০২৪ৰ প্ৰি- কোৱাৰ্টাৰ ফাইনেল খেলত অষ্ট্ৰেলিয়াৰ বিৰুদ্ধে অৱতীৰ্ণ হ’ব। ভাৰতীয় দলটোৱে কালি ইটালীক ৩-০ পইণ্টত পৰাস্ত কৰি প্ৰি-কোৱাৰ্টাৰ ফাইনেলত প্ৰবেশ কৰিছিল। ভাৰতৰ আকাংক্ষা চলুংখে, অনাহাতে সিং আৰু নিৰূপমা ডুবেই তেওঁলোকৰ খেলত জয়লাভ কৰিছে। আজিৰ খেলখন ভাৰতীয় সময় অনুসৰি পুৱা ৯.৩০ বজাত অনুষ্ঠিত হ’ব। উল্লেখযোগ্য যে ভাৰতীয় মহিলা দলটোৱে কলম্বিয়া আৰু ইটালীৰ বিৰুদ্ধে জয়লাভ কৰাৰ লগতে বেলজিয়ামৰ বিৰুদ্ধে পৰাস্ত হৈ গ্ৰুপ চিত দ্বিতীয় স্থানত প্ৰতিযোগিতাৰ গ্ৰুপ পৰ্যায়ৰ সামৰণি মাৰিছিল৷ ইপিনে, ভাৰতৰ পুৰুষ দলটোৱে আজি মালয়েছিয়াৰ বিৰুদ্ধে প্রি-কোৱাৰ্টাৰ ফাইনেলত অৱতীৰ্ণ হ’ব। গ্রুপ এফৰ এখন খেলত কালি কলম্বিয়াৰ বিৰুদ্ধে পৰাস্ত হোৱা সত্বেও দলটোৱে প্রি-কোৱাৰ্টাৰ ফাইনেললৈ যোগ্যতা অৰ্জন কৰিছিল। খেলখন দিনৰ ১২ বজাত আৰম্ভ হ’ব।