সমগ্ৰ শিক্ষা অভিযানৰ অধীনত কৰ্মৰত অৱস্থাত মৃত্যু হোৱা ঠিকাভিত্তিক শিক্ষক-কর্মচাৰীৰ পৰিয়ালক ৰাজ্য চৰকাৰে আৰ্থিক সাহায্য প্ৰদান কৰাৰ সিদ্ধান্ত গ্ৰহণ কৰিছে। উল্লেখযোগ্য যে ৰাজ্য চৰকাৰৰ নিয়মীয়া কৰ্মচাৰী আৰু শিক্ষকসকলৰ মৃত্যু হ’লে পৰিয়ালে ৬০ বছৰলৈকে অর্থাৎ অৱসৰৰ সময়লৈকে সম্পূর্ণ দৰমহা লাভ কৰে যদিও ঠিকাভিত্তিক শিক্ষকসকলৰ এই সুবিধা নাছিল। ৰাজ্য চৰকাৰৰ এই ঘোষণা সমগ্ৰ শিক্ষা অভিযানৰ অধীনত কৰ্মৰত ঠিকাভিত্তিক শিক্ষাক-কৰ্মচাৰীৰ বাবে বৃহৎ সকাহ হ’ব বুলি আশা কৰা হৈছে।