নতুন দিল্লীৰ ত্যাগৰাজ ষ্টেডিয়ামত অনুষ্ঠিত সদৌ ভাৰত অসামৰিক সেৱা বেডমিণ্টন চেম্পিয়নশ্বিপত শ্বিলঙৰ আৰ এছ বি মহিলা বেডমিণ্টন দলে পাটনাৰ আঞ্চলিক ক্রীড়া বৰ্ডক ২-০ ব্যৱধানত পৰাস্ত কৰি চেম্পিয়নৰ খিতাপ লাভ কৰিছে। প্ৰথম একক খেলত আৰ এছ বি, শ্বিলঙৰ অমোলিকা সিং চিছোদিয়াই বিভা কুমাৰীক ২১-১১, ২১–১২ ব্যৱধানত পৰাস্ত কৰে। আনহাতে, প্রথম ডাবলছ খেলত শ্বিলঙৰ অমোলিকা সিং চিছোদিয়া আৰু পিংকি কাৰ্কিয়ে চিমৰন কলিতা আৰু দিপালী গুপ্তক ২১-১৪, ২১-১৬ ব্যৱধানত পৰাস্ত কৰে। ইফালে, আৰ এছ বি, শ্বিলঙৰ পুৰুষ দলেও ২৩ বছৰৰ পিছত ফাইনেলত উপনীত হৈছিল যদিও আৰ এছ বি, ছিমলাৰ হাতত ২-৩ ব্যৱধানত পৰাজিত হৈছিল।