ৰাজ্য চৰকাৰে শ্বহীদ কনকলতা বৰুৱাৰ নামত গহপুৰত প্ৰস্তাৱিত বিশ্ববিদ্যালয় স্থাপনৰ বাবে তৎপৰতা আৰম্ভ কৰিছে। এই উদ্দেশ্যে মুখ্যমন্ত্রী ড০ হিমন্ত বিশ্ব শৰ্মাৰ লগতে মন্ত্ৰী ডাঃ ৰণোজ পেগু আৰু মন্ত্ৰী অশোক সিংহলে গহপুৰৰ ভোলাগুৰি চাহ বাগিচাৰ ভূমি পৰিদৰ্শন কৰে। লগতে অসম চাহ নিগম লিমিটেডৰ পৰা বিশ্ববিদ্যালয়ৰ নামত ভূমি হস্তান্তৰকৰণ আৰু স্থানীয় ৰাইজৰ সা-সুবিধাৰ বিষয়টোক লৈ বিভিন্ন দল-সংগঠনৰ সৈতে মুখ্যমন্ত্ৰীগৰাকীয়ে আলোচনাত অংশগ্ৰহণ কৰে। এই অনুষ্ঠানত মন্ত্ৰী ডাঃ পেগু আৰু মন্ত্ৰী সিংহলৰ লগতে বিধায়ক উৎপল বৰা, প্রমোদ বৰঠাকুৰ উপস্থিত থাকে। ইপিনে, মুখ্যমন্ত্রী ড০ শর্মাই আজি তেজপুৰৰ আনন্দ আগৰৱালা উদ্যানত স্বাধীনতা সংগ্রামী বাবু চবিলাল উপাধ্যায়ৰ এটি প্রতিমূৰ্তি উন্মোচন কৰে।