লোকসভা নির্বাচনৰ সপ্তম তথা অন্তিম পর্যায়ৰ বাবে কাইলৈ অধিসূচনা জাৰি কৰা হব। এই পর্যায়ত ৭খন ৰাজ্য আৰু এটা কেন্দ্রীয়শাসিত অঞ্চলৰ ৫৭খন লোকসভা আসনৰ বাবে নির্বাচন অনুষ্ঠিত হ’ব। এই পর্যায়ত উত্তৰ প্ৰদেশ আক পঞ্জাৱৰ ১৩খনকৈ, পশ্চিমবংগৰ ৯খন, বিহাৰৰ ৮খন, ওড়িশাৰ ৬খন, হিমাচল প্ৰদেশৰ ৪খন, ঝাৰখণ্ডৰ ৩খন আৰু কেন্দ্রীয়শাসিত অঞ্চল চণ্ডীগড়ৰ এখন আসনৰ বাবে নির্বাচন অনুষ্ঠিত হ’ব। এই পর্যায়ৰ বাবে মনোনয়ন দাখিলৰ অন্তিম দিন হৈছে ১৪ মে’। ১ জুনত সপ্তম পর্যায়ৰ নির্বাচন অনুষ্ঠিত হ’ব।