ভাৰতীয় জাতীয় কংগ্ৰেছ দলে, দলটোৰ নেতা ৰাহুল গান্ধীয়ে লোকসভা নির্বাচনত উত্তৰ প্ৰদেশৰ ৰায়বেৰেলী সমষ্টিৰ পৰা প্ৰতিদ্বন্দ্বিতা কৰিব বুলি আজি ঘোষণা কৰে। দলটোৱে লগতে আমেথি লোকসভা সমষ্টিৰ দলীয় প্রার্থী হিচাপে কিশোৰী লাল শৰ্মাৰ নাম ঘোষণা কৰিছে। আনহাতে বহুজন সমাজ পার্টীয়ে উত্তৰ প্ৰদেশৰ ভাড়োহী সংসদীয় সমষ্টিৰ বাবে মনোনীত প্রার্থীৰ ক্ষেত্রত সাল সলনি ঘটাইছে। সেই অনুসৰি সমষ্টিটোত আতাহাৰ আনছাৰীৰ পৰিৱৰ্তে দাৰাসিং চৌহানে বি এছ পিৰ প্ৰতিকেৰে নিৰ্বাচনত অংশগ্ৰহণ কৰিব।