প্রধানমন্ত্ৰী নৰেন্দ্ৰ মোদীয়ে আজি মুম্বাইত দুখন যুদ্ধ জাহাজ আই এন এছ ছুৰাট আৰু আই এন এছ নীলগিৰিৰ লগতে আই এন এছ বাঘচিৰ নামৰ এখন ছাবমেৰিন ৰাষ্ট্ৰৰ নামত উৎসৰ্গা কৰিব। পোনপ্ৰথমবাৰৰ বাবে এইবাৰ ভাৰতীয় নৌসেনা বাহিনীত একেলগে তিনিখন উচ্চ প্রযুক্তিসম্পন্ন বাহন অন্তৰ্ভুক্ত কৰা হৈছে। সামুদ্ৰিক নিৰাপত্তা আৰু প্ৰতিৰক্ষা উৎপাদনৰ ক্ষেত্ৰত ভাৰতক বিশ্বৰ নেতৃস্থানীয় ৰাষ্ট্ৰ হিচাপে গঢ়ি তোলাৰ ক্ষেত্ৰত নৌসেনা বাহিনীৰ এই তিনিখন বাহনৰ সংযোজনে এক বিশেষ মাত্ৰা প্ৰদান কৰিব। আই এন এছ ছুৰাটত বিশেষ ক্ষেপণাস্ত্ৰ ধ্বংসকাৰী প্ৰযুক্তি ব্যৱহাৰ কৰা হৈছে আৰু ই বিশ্বৰ ভিতৰতে সৰ্ববৃহৎ তথা অত্যাধুনিক ক্ষেপণাস্ত্র ধ্বংসকাৰী জাহাজ। নীলগিৰি আৰু চুৰাট জাহাজ দুখনৰ দিন আৰু ৰাতি যিকোনো সময় আৰু পৰিস্থিতিতে চেতক, চি কিং, এ এল এইচ আৰু নতুনকৈ অন্তৰ্ভুক্ত এম এইচ ছিক্সটি আৰৰ দৰে হেলিকপটাৰৰ জৰিয়তে অভিযান চলাব পৰা যাব। সন্ধিয়াৰ ভাগত প্ৰধানমন্ত্ৰীয়ে নবী মুম্বাইত ইস্কনৰ সহযোগিতাত নিৰ্মিত শ্ৰীশ্ৰীৰাধা মদন মোহনজী মন্দিৰো উদ্বোধন কৰিব।