মুম্বাইৰ পৰা নিউয়র্ক অভিমুখী এয়াৰ ইণ্ডিয়াৰ এখন বিমান আজি পুৱা বোমা বিস্ফোৰণৰ ভাবুকিৰ বাবে দিল্লীলৈ ঘূৰাই অনা হয়। পর্যবেক্ষণৰ অন্তত বিমানখনত থকা আটাইকেইগৰাকী যাত্ৰী নিৰাপদ আৰু সুকলমে থকা বুলি জানিব পৰা গৈছে। আনহাতে, মুম্বাইৰ পৰা মাস্কটালৈ চলি থকা বিমান এখনেও বোমা বিস্ফোৰণৰ ভাবুকি লাভ কৰিছিল। নিয়ম অনুসৰি ততাতৈয়াকৈ বিমানখনক এটা বিচ্ছিন্ন উপসাগৰলৈ লৈ যোৱা হয় আৰু নিৰাপত্তা ব্যৱস্থা পৰীক্ষা কৰা হয়। মুম্বাইৰ পৰা জেদ্দালৈ গৈ থকা আন এখন বিমানেও এই ভাবুকিৰ সন্মুখীন হৈছিল। ইফালে মুম্বাই-হাওৰা অভিমুখী এখন ৰেলকো টাইম বোমাৰে উৰুৱাই দিয়াৰ ভাবুকি দিয়া হৈছিল আৰু জালগাঁও ষ্টেচনত ৰে’লখন ৰখাই পৰীক্ষা কৰা হয়। ইয়াৰ পাছত ৰে’লখনত কোনো সন্দেহজনক সামগ্ৰী পোৱা নগ’ল বুলি জানিব পৰা গৈছে।