সংসদীয় পৰিক্ৰমা মন্ত্ৰী কিৰেণ ৰিজিজুৱে ৱাক্ফ সংশোধনী বিধেয়কখন ৰাষ্ট্ৰৰ স্বাৰ্থৰ অনুকুল বুলি অভিহিত কৰিছে। নতুন দিল্লীত আজি সাংবাদিকৰ সৈতে হোৱা কথা বতৰাত মন্ত্ৰীগৰাকীয়ে কয়, যে মুছলমান সম্প্ৰদায়ৰ কোটি কোটি লোকেই নহয় বৰং সমগ্ৰ ৰাষ্ট্ৰই বিধেয়কখনৰ প্ৰতি বিধেয়কখনৰ প্ৰতি সমর্থন আগবঢ়াইছে। বিধেয়কখনত বিৰোধিতা কৰাসকলক সমালোচনা কৰি শ্ৰীৰিজিজুৱে কয় যে তেওঁলোকে একমাত্র ৰাজনৈতিক কাৰণতহে এনে কৰিছে।
একেধৰণৰ মত প্ৰকাশ কৰি সামাজিক ন্যায় ৰাজ্যমন্ত্রী বি এল বার্মাই কয়, যে বিধেয়কখন মুছলমান সকলৰ স্বাৰ্থৰ অনুকুল। তেওঁ কয় যে প্রধানমন্ত্ৰী নৰেন্দ্ৰ মোদীয়ে সবকা সাথ সবকা বিকাশ ভাৱনাৰে কাম কৰি আহিছে। কংগ্ৰেছ সাংসদ প্রমোদ তিৱাৰীয়ে কয়, যে বিৰোধী পক্ষই বাক্ফ সংশোধনী বিধেয়কৰ সংশোধনৰ প্ৰস্তাৱ আগবঢ়াইছে যদিও চৰকাৰে এই প্ৰস্তাৱৰ প্ৰতি সন্মতি প্ৰকাশ কৰা নাই। তেওঁ কয়, যে বিধেয়কখন একেই ৰূপত প্ৰৱৰ্তন হলে ই সংবিধানৰ মূল ভাৱনা পৰিপন্থী হ’ব। সমাজবাদী পাৰ্টীৰ সাংসদ অখিলেশ যাদৱে বিধেয়ক সন্দৰ্ভত মত প্রকাশ কৰি কয়, যে তেওঁৰ দলে ইয়াৰ বিৰোধিতা কৰিব। বিজেপিয়ে ৰে’লৱে আৰু প্ৰতিৰক্ষা ভূমিৰ দৰে ৱাক্ফ ভূমিও বিক্ৰী কৰিব বুলি তেওঁ অভিযোগ উত্থাপন কৰে।
জে দি ইউৰ সাংসদ সঞ্জয় ঝাই কয় যে তেওঁৰ দলে সদনত বিধেয়কখনৰ সমৰ্থন কৰিব। তেওঁৰ লগতে বিহাৰৰ আৰ জে দি আৰু কংগ্ৰেছৰ শাসনকালত মুছলমান সম্প্ৰদায়ৰ লোকৰ কল্যানৰ বাবে একো কাম কৰা হোৱা নাছিল বুলি অভিযোগ তোলে। ইপিনে, চি পি আই এমৰ সাংসদ জন ব্রিটাছে বাক্ফ সংশোধনী বিধেয়কখনৰ জৰিয়তে সমাজৰ মেৰুকৰণৰ চেষ্টা চলোৱা বুলি অভিযোগ উত্থাপন কৰে। তেওঁ লগতে বিৰোধী পক্ষই বিধেয়খনৰ বিৰোধিতা কৰিব বুলি মন্তব্য কৰে।
Site Admin | April 2, 2025 6:25 PM | Akashvani News | Kiren Rijiju | Parliament House
মুছলমান সম্প্ৰদায়ৰ কোটি কোটি লোকেই নহয় বৰং সমগ্ৰ ৰাষ্ট্ৰই বিধেয়কখনৰ প্ৰতি বিধেয়কখনৰ প্ৰতি সমর্থন আগবঢ়াইছেঃ ৰিজিজু
