মালয়েছিয়াত অনুষ্ঠিত হবলগীয়া জোহৰ কাপৰ দ্বাদশ সংস্কৰণৰ বাবে ভাৰতীয় জুনিয়ৰ পুৰুষ হকী দলটো আজি ঘোষণা কৰা হয়। আমিৰ আলিক দলটোৰ অধিনায়ক হিচাপে নিযুক্তি দিয়াৰ বিপৰীতে ৰোহিত ভাইছক উপ অধিনায়ক ঘোষণা কৰা হয়। উল্লেখযোগ্য যে ভাৰতীয় দলটোৱে ১৯ অক্টোবৰত জাপানৰ বিৰুদ্ধে খেলত অৱতীৰ্ণ হৈ প্ৰতিযোগিতাখনত যাত্ৰা আৰম্ভ কৰিব। ইয়াৰ পাছত দলটোৱে ২০ অক্টোবৰত গ্রেট ব্রিটেইন, ২২ অক্টোবৰত মালয়েছিয়া, ২৩ অক্টোবৰত অষ্ট্ৰেলিয়া আৰু ২৫ অক্টোবৰত নিউজিলেণ্ডৰ বিৰুদ্ধে অৱতীৰ্ণ হ’ব। ভাৰতীয় দলটোত বিক্ৰম জিৎ সিং আৰু আলিখানক গ’লৰক্ষক হিচাপে অন্তৰ্ভুক্ত কৰাৰ বিপৰীতে অধিনায়ক আমিৰ আলী, উপ অধিনায়ক ৰোহিত, তালেম প্রিয়বর্তা, সাৰদানন্দ তিৱাৰী, সুখৱিন্দ্ৰৰ আৰু আনমোল এক্কাক ডিফেণ্ডাৰ হিচাপে অন্তৰ্ভুক্ত কৰা হৈছে । অংকিত পাল, মনমীত সিং, ৰোছন কুজুৰ, মুকেশ টপ্পো আৰু চন্দন যাদৱে মিডফিল্ডাৰ হিচাপে দলত অংশ লাভ কৰাৰ বিপৰীতে গুৰজোৎ সিং, সৌৰভ আনন্দ কুশৱাহা, দিলৰাজ সিং, আৰ্শদীপ সিং আৰু মহম্মদ কনন ডেডে ফৰৱাৰ্ড হিচাপে দলত স্থান লাভ কৰিছে ।