মহিলাৰ ১৯ বছৰ অনুৰ্ধৰ টি-টুৱেণ্টি এছিয়া কাপ ক্রিকেট প্রতিযোগিতাৰ ফাইনেলত ভাৰত কাইলৈ বাংলাদেশৰ মুখামুখি হ’ব। মালয়েছিয়াৰ কুৱালালামপুৰত অনুষ্ঠিত হ’বলগীয়া এই খেলখন ভাৰতীয় সময় অনুসৰি পুৱা ৭ বজাত আৰম্ভ হ’ব। প্ৰতিযোগিতাত কালি অনুষ্ঠিত ছেমি ফাইনেলত ভাৰতে শ্রীলংকাক ৪ উইকেটত পৰাজিত কৰি ফাইনেলত স্থান নিশ্চিত কৰিছে। খেলখনত ভাৰতে মাত্র ১৪ অভাৰ আৰু ৫টা বলতে ৯৯ ৰানৰ বিজয় লক্ষ্যত উপনীত হয়। ইয়াৰ পূৰ্বে শ্রীলংকাই প্ৰথমে বেট ধৰি নিৰ্ধাৰিত ২০ অভাৰত ৯ উইকেটৰ বিনিময়ত ৯৮ ৰান সংগ্ৰহ কৰে। প্ৰতিযোগিতাৰ আনখন ছেমি ফাইনেলত বাংলাদেশে নেপালৰ বিৰুদ্ধে ৯ উইকেটত জয়লাভ কৰি ফাইনেলত প্ৰৱেশ কৰিছে ।