মহিলাৰ এছিয়া কাপ টি-২০ ক্রিকেট প্রতিযোগিতাৰ এখন খেলত আজি ভাৰতে- ইউ এ ইক ৭৮ ৰানত পৰাস্ত কৰে। শ্ৰীলংকাৰ ডাম্বুলাত অনুষ্ঠিত খেলখনত ইউ এ ইএ টছত জিকি ভাৰতক বেটিঙৰ বাবে আমন্ত্ৰণ জনায়। ভাৰতে নিৰ্ধাৰিত ২০ অভাৰত ৫ টা উইকেট হেৰুৱাই ২০১ ৰান সংগ্ৰহ কৰে। ভাৰতৰ হৈ অধিনায়ক হৰমনপ্রীত কৌৰে ৬৬ ৰান আৰু উইকেট কিপাৰ ৰিছা ঘোষে ৬৪ ৰান সংগ্ৰহ কৰে। প্ৰত্যুত্তৰত ২০২ ৰাণৰ বিজয় লক্ষ্য অনুসৰণ কৰি ইউ এ ইএ নিৰ্ধাৰিত ২০ অভাৰত ৭ টা উইকেট হেৰুৱাই ১২৩ ৰানহে কৰিবলৈ সমর্থ হয়। উল্লেখযোগ্য যে শৃংখলাটোত ভাৰতীয় মহিলা দলটোৱে এতিয়ালৈ ৪ পইণ্ট লাভ কৰি আগবাঢ়ি আছে।