বিধানসভা নিৰ্বাচনৰ পাছত মহাৰাষ্ট্ৰৰ নতুন মুখ্যমন্ত্রী বাছনিৰ বাবে মহাজুটিৰ নেতৃবৰ্গৰ মাজত প্ৰায় এসপ্তাহ ধৰি মুম্বাই আৰু দিল্লীত বৈঠক চলি আছে। ৰাজ্যখনৰ নতুন মুখ্যমন্ত্রী কোন হ’ব সেই সন্দৰ্ভত এতিয়াও আনুষ্ঠানিক সিদ্ধান্ত হোৱা নাই যদিও বিজেপি আৰু শিৱসেনাৰ এটা সূত্ৰই প্ৰকাশ কৰা অনুসৰি ৫ ডিচেম্বৰত আজাদ ময়দানৰ এটা অনুষ্ঠানত নতুন মুখ্যমন্ত্ৰীয়ে শপত গ্ৰহণ কৰিব।মুঠ ২৮৮ খন আসনবিশিষ্ট মহাৰাষ্ট্ৰ বিধানসভাত এইবাৰ ৭৮ গৰাকী বিজয়ী প্রার্থীয়ে প্ৰৱেশ কৰিব আৰু এয়া মুঠ আসনৰ প্ৰায় ২৭ শতাংশ। এই নতুনসকলৰ ভিতৰত বিজেপিৰ ৩৩গৰাকী, শিৱসেনাৰ ১৪ গৰাকী আৰু এন চি পিৰ ৮ গৰাকী বিধায়ক আছে। আনহাতে শিৱসেনাৰ উদ্ধৱ থাকৰে গোটৰ ১০গৰাকী, কংগ্ৰেছ ছগৰাকী আৰু এন চি পিৰ শাৰদ পাৱাৰ গোটৰ ৪ গৰাকী নতুন বিধায়ক আছে।