দক্ষিণ শালমাৰা, মানকাচৰ জিলাৰ ভাৰত-বাংলাদেশ সীমান্তৱৰ্তী মির্জুমলাত আৰক্ষীয়ে চলোৱা তালাচীৰ সময়ত তিনি গৰাকী মহিলাসহ পাঁচজন বাংলাদেশী নাগৰিকক আটক কৰা হয়। মানকাচৰ আৰক্ষীয়ে যোৱা নিশা মানকাচৰত প্ৰৱেশ কৰাৰ সময়ত এখন বাহন ৰখাই সোধাপোছা কৰাৰ সময়তে বাংলাদেশী লোককেইজন ধৰা পৰে। এই লোক কেইজনে চুবুৰীয়া ৰাজ্য মেঘালয়ৰ গালু আন্তঃৰাষ্ট্ৰীয় সীমান্তৰে ভাৰতত প্ৰৱেশ কৰিছিল বুলি লোক কেইজনে আৰক্ষীৰ ওচৰত স্বীকাৰ কৰে। সম্প্ৰতি দক্ষিণ শালমাৰা মানকাচৰ জিলাৰ আৰক্ষী অধীক্ষকে মানকাচৰ থানাত লোক কেইজনৰ জেৰা অব্যাহত ৰাখিছে। লোক কেইজনক সীমান্ত সুৰক্ষা বাহিনীৰ সহযোগত বাংলাদেশলৈ ওভতাই পঠিওৱা হ’ব বুলি জানিব পৰা গৈছে।