কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী ড০ মনসুখ মন্দাভিয়াই কৈছে যে, ভাৰতে ২০৩০ চনত যুৱ অলিম্পিক আৰু ২০৩৬ চনত গ্ৰীষ্মকালীন অলিম্পিক আয়োজনৰ দায়িত্ব লাভৰ বাবে চেষ্টা চলাব। নতুন দিল্লীত আজি অলিম্পিক কাউন্সিল অৱ এছিয়াৰ ৪৪ সংখ্যক সাধাৰণ সভাত ভাষণ দি মন্ত্ৰীগৰাকীয়ে আজি এইদৰে প্ৰকাশ কৰে। তেওঁ কয় যে, এইবাৰৰ বাজেটত খেল শিতানৰ বাবে আৱণ্টিত ধনৰ পৰিমাণ ২০১৪-১৫ বৰ্ষৰ ১৪ কোটি ৩০ লাখ টকাৰ পৰা প্ৰায় ৪৭ কোটি টকালৈ বৃদ্ধি কৰা হৈছে। চৰকাৰৰ এনে প্ৰচেষ্টাৰ বাবেই দেশে এছিয়ান গেমছত ১০৭ টা আৰু এছিয়ান পেৰাগেমছত ১১১ টা পদক জয়েৰে অসাধাৰণ প্ৰদৰ্শন আগবঢ়াবলৈ সমৰ্থ হৈছে বুলি মন্ত্ৰীগৰাকীয়ে উল্লেখ কৰে ৷