ভাৰতীয় বায়ুসেনা বাহিনীয়ে অগ্নিবীৰ বায়ু মিউজিচিয়ান পদত নিযুক্তিৰ বাবে সংস্থাটোৰ ৱেবছাইটত জাননী জাৰি কৰিছে। agnipathvayu.cdac.in ৱেবছাইটত সংশ্লিষ্ট পদৰ বাবে পঞ্জীয়ন আৰম্ভ হৈছে। বিভাগটোৱে প্ৰকাশ কৰা অনুসৰি দশম শ্রেণী উত্তীর্ণ প্রার্থীসকলে বিজ্ঞাপনত উল্লেখ থকা অতিৰিক্ত যোগ্যতাসহ অহা ৫ জুন বা ইয়াৰ পূৰ্বে আবেদন কৰিব পাৰিব। ২০০৪ চনৰ ২ জানুৱাৰীৰ পৰা ২০০৭ চনৰ ২ জুলাইৰ ভিতৰত জন্ম হোৱা অবিবাহিত পুৰুষ আৰু মহিলা প্ৰাৰ্থীসকলে এই পদৰ বাবে অনুষ্ঠিত পৰীক্ষাত অৱতীৰ্ণ হ’ব পাৰিব। অহা ৩ জুলাইৰ পৰা ১২ জুলাইলৈ কাণপুৰ আৰু বেংগালুৰুত এই পৰীক্ষা অনুষ্ঠিত হ’ব। এই পদৰ বাবে বাছনি প্ৰক্ৰিয়া তিনিটা পৰ্যায়ত সম্পন্ন হ’ব। ইতিমধ্যে ভাৰতীয় বায়ুসেনা বাহিনীয়ে চৰকাৰী ৱেব ছাইটত শিক্ষাগত অৰ্হতা, বৃত্তিগত অৰ্হতা তথা অন্যান্য তথ্য সামৰি যোগ্যতাৰ সবিশেষ আপলোড কৰিছে।