কুসংস্কাৰ আৰু অন্ধবিশ্বাস বিৰোধী পদক্ষেপেৰে ৰাষ্ট্ৰজুৰি পৰিচিতি গঢ়ি তোলা বীৰুবালা ৰাভাৰ স্মৃতিত আজি ৰাজহুৱা শ্ৰদ্ধাঞ্জলি অনুষ্ঠানৰ আয়োজন কৰা হয়। ৰাভা হাছং স্বায়ত্ত শাসিত পৰিষদ, নিখিল ৰাভা ছাত্ৰ সন্থা ইত্যাদিৰ উদ্যোগত গোৱালপাৰা জিলাৰ ঠাকুৰভিলা ৰাজহুৱা খেলপথাৰত আয়োজিত বিস্তৃত কাৰ্যসূচীত পৰম্পৰাগত ফাৰ্কান্তি নৃত্য পৰিবেশন, সর্বধৰ্ম প্ৰাৰ্থনাৰ আয়োজনৰ লগতে স্মৃতিগ্ৰন্থ উন্মোচন কৰা হয়। উল্লেখযোগ্য যে বীৰুবালা ৰাভাৰ মৃত্যু দিৱস ১৩ মে’ৰ দিনটো ৰাভা হাছং স্বায়ত্ত শাসিত পৰিষদে অন্ধবিশ্বাস আৰু কুসংস্কাৰ বিৰোধী দিৱস হিচাপে ঘোষণা কৰাৰ লগতে তেখেতৰ এটি ব্ৰঞ্জৰ প্ৰতিমূৰ্তি স্থাপন কৰিব বুলি উল্লেখ কৰে ।