প্রধানমন্ত্ৰী নৰেন্দ্ৰ মোদীয়ে বিশ্ব পেৰা এথলেটিকছ চেম্পিয়নশ্বিপত ভাৰতীয় খেলুৱৈসকলৰ প্ৰদৰ্শনক লৈ সন্তোষ প্ৰকাশ কৰিছে। সামাজিক মাধ্যমত লিখা এটা পোষ্টত শ্রীমোদীয়ে কয় যে, মাত্র ৭টা বছৰত ৩৬ সংখ্যক স্থানৰ পৰা ষষ্ঠ স্থানলৈ উন্নীত হ’বলৈ ভাৰতীয় খেলুৱৈসকলে চলিত বৰ্ষৰ প্ৰতিযোগিতাত ১৭টা পদক জয় কৰে। এই উল্লেখযোগ্য সাফল্যৰ বাবে প্রধানমন্ত্ৰীগৰাকীয়ে খেলুৱৈসকলক তথা তেওঁলোকৰ সৈতে জড়িত আটাইকে অভিনন্দন জ্ঞাপন কৰে। শ্ৰীমোদীয়ে কয় যে, খেলুৱৈসকলৰ নিষ্ঠা আৰু অধ্যৱসায় সঁচাকৈয়ে প্ৰেৰণাদায়ক আৰু ই দৃঢ়তা আৰু কঠোৰ পৰিশ্ৰমৰ জৰিয়তে অৰ্জন কৰা সাফল্য সমগ্ৰ বিশ্বৰ আগত দাঙি ধৰিছে।