আন্তঃৰাষ্ট্ৰীয় ক্রিকেট সংস্থাই বিশ্ব টেষ্ট চেম্পিয়নশ্বিপৰ ফাইনেলৰ বিজয়ী আৰু বিজিত দলৰ বাবে আর্থিক পুৰস্কাৰৰ পৰিমাণ ঘোষণা কৰিছে। সেই অনুসৰি এইটো ছিজনৰ চূড়ান্ত খেলখনৰ বিজয়ী দলটোৱে প্ৰায় ১২ কোটি টকাৰ পুৰস্কাৰ লাভ কৰাৰ বিপৰীতে আনটো দলে প্রায় ৬ কোটি টকাৰ পুৰস্কাৰ লাভ কৰিব। চলিত বৰ্ষৰ ১৮ জুনত চাউডানৰ এজিয়াছ ব’লত এই প্রতিযোগিতাৰ ফাইনেল খেলখন খেলোৱা হ’ব ।
প্রতিযোগিতাত তৃতীয় স্থান লাভ কৰা দলটোৱে ৩ কোটি ৩৮ লাখ টকা আৰু চতুৰ্থ স্থানৰ দলটোৱে ২ কোটি ৬২ লাখ টকাৰ আৰ্থিক পুৰস্কাৰ লাভ কৰিব। পঞ্চম স্থানৰ দলটোৱে ১ কোটি ৫ লাখ টকাৰ আৰ্থিক সাহায্য লাভ কৰাৰ লগতে অংশগ্রহণ কৰা আন দলসমূহে ৭৫ লাখ টকাকৈ আৰ্থিক পুৰস্কাৰ পাব বুলি আন্তঃৰাষ্ট্ৰীয় ক্রিকেট সংস্থাই প্ৰকাশ কৰিছে।