টিউনিছিয়াৰ টিউনিছত চলি থকা বিশ্ব টেবুল টেনিছ কনটেনডাৰ প্ৰতিযোগিতাত আজি ভাৰতৰ দিয়া চিটালেই ৩ খন কোৱাৰ্টাৰ ফাইনেল খেলিব। মহিলাৰ ছিংগ’লছত কালি প্রি কোৱাৰ্টাৰ ফাইনেলত মনিকা বাট্টাক পৰাস্ত কৰি দিয়াই চূড়ান্ত ৮ত প্ৰৱেশ কৰে। কোৱাৰ্টাৰ ফাইনেলত তেওঁ জাৰ্মানীৰ ছেবিন উইণ্টাৰৰ বিৰুদ্ধে খেলিব। মহিলাৰ ডাবলছৰ কোৱাৰ্টাৰ ফাইনেলত আজি বিয়লি দিয়া চিটালে আৰু যশস্বিনী ঘোৰপাড়ে যুটিয়ে চীনৰ হু য়ি আৰু ডিং য়িজিয়ে যুটিৰ বিৰুদ্ধে খেলিব। মিক্সড ডাবলছৰ কোৱাৰ্টাৰ ফাইনেলতো মনুষ শ্বাহৰ সৈতে যুটি বান্ধি দিয়াই টিউনিছিয়াৰ ৱাছিম ইছিড আৰু ইজিপ্তৰ হানা গড়া ফুটিৰ বিৰুদ্ধে খেলিব।প্রতিযোগিতাৰ পুৰুষৰ ডাবলছত দ্বিতীয় বাছনিৰ ভাৰতৰ মনুষ শ্বাহ আৰু মানৱ থক্কৰে টিউনিছিয়াৰ ৱাছিম ইছিড আৰু নেডাৰনেঞ্চৰ ৰেমি কামবেট-ৱেইল যুটিৰ বিৰুদ্ধে আজি কোৱাৰ্টাৰ ফাইনেল খেলিব। পুৰুষৰ ছিংগ’লছৰ প্ৰি কোৱাৰ্টাৰ ফাইনেলত আজি ভাৰতৰ অৱতাৰ হৰমিট দেশাই জাপানৰ হিৰ’ট’ শ্বিন জুকাৰ বিৰুদ্ধে অৱতীৰ্ণ হ’ব।