বিশিষ্ট শিশু সাহিত্যিক নূপূৰ মোমাইদেউ ছদ্মনামেৰে শিশু সাহিত্য ৰচনা কৰি অহা ত্রৈলোক্য ভট্টাচার্যক শিশু আলোচনী চোতালৰ পখিলাৰ তৰফৰ পৰা চলিত বৰ্ষৰ চোতালৰ পখিলা ৰজত বৰুৱা স্মৃতি শিশু সাহিত্য বঁটা প্ৰদান কৰা হৈছে।
গুৱাহাটীৰ বিষ্ণু নিৰ্মলা শিশু পুঁথিভঁৰাল প্ৰেক্ষাগৃহত আয়োজিত অনুষ্ঠানত কালি এই বঁটা প্ৰদান কৰা হয়। কমেও ১৫খন শিশু উপযোগী গ্ৰন্থৰে অসমীয়া শিশু সাহিত্যৰ ভৰাঁল চহকী কৰা লেখকগৰাকীয়ে শিশু আলোচনী সঁফুৰাত দীৰ্ঘদিন ধৰি নূপূৰ মোমাইদেউ নামেৰে শিশু উপযোগী ৰচনা লিখি আহিছে। এই অনুষ্ঠানতে আকাংক্ষা তামুলীক ডাঃ দিগন্ত কুমাৰ দাস স্মৃতি শিশু সাহিত্য বঁটাৰে সন্মানিত কৰা হয়। এই অনুষ্ঠানত সাহিত্যিক হৰপ্ৰিয়া বাৰুকিয়াল বৰগোঁহাই, বন্দিতা ফুকন, ভাস্কর্য শিল্পী বীৰেন সিংহ, আবৃত্তিকাৰ অৱনী বৰাৰ লগতে কেইবাগৰাকীও বিশিষ্ট ব্যক্তি উপস্থিত থাকে।