বতৰৰ বতৰাঃ বৰঝাৰৰ আঞ্চলিক বতৰ বিজ্ঞান কেন্দ্ৰই দিয়া আগলি বতৰা অনুসৰি গুৱাহাটী আৰু ইয়াৰ উপকণ্ঠ অঞ্চলৰ অহা ২৪ ঘণ্টাৰ বতৰ আংশিকভাৱে ডাৱৰীয়া হৈ থাকিব। ৰাজ্যত পুৱা আৰু নিশাৰ ভাগত কুঁৱলী পৰাৰ সম্ভাৱনা আছে। কালি গুৱাহাটীৰ সৰ্বোচ্চ তাপমাত্ৰা আছিল ২৪.৪ ডিগ্রী ছেলছিয়াছ আৰু সৰ্বনিম্ন তাপমাত্ৰা আছিল ১৪.৮ ডিগ্রী ছেলছিয়াছ। আজি গুৱাহাটীৰ তাপমাত্রা সৰ্বোচ্চ ২৬ ডিগ্রী ছেলছিয়াছ আৰু সৰ্বনিম্ন তাপমাত্রা ১৫ ডিগ্রী ছেলছিয়াছ হ’ব পাৰে বুলি বতৰ বিজ্ঞান কেন্দ্ৰই জানিবলৈ দিছে। উত্তৰ-পূৰ্বাঞ্চলৰ কেইবাখনো ৰাজ্যৰ বতৰ আংশিকভাৱে ডাৱৰীয়া হৈ থকাৰ লগতে ডাঠ কুঁৱলী পৰাৰো সম্ভাৱনা আছে বুলি বতৰ বিজ্ঞান কেন্দ্ৰই আগলি বতৰা দিছে।ভাৰতীয় বতৰ বিজ্ঞান কেন্দ্ৰই জনোৱা তথ্য অনুসৰি পৰৱৰ্তী দুদিনলৈ দেশৰ উত্তৰ-পূব, মধ্য আৰু পূব অঞ্চলত তাপমাত্রা ২ৰ পৰা ৪ ডিগ্ৰী পৰ্যন্ত হ্ৰাস পাব বুলি প্ৰকাশ কৰিছে। ইফালে তামিলনাড়ু, পুডুচেৰী, অন্ধ্ৰপ্ৰদেশ, কেৰালাৰ উপকণ্ঠ অঞ্চলত বৰষুণ হোৱাৰ সম্ভাৱনা আছে বুলি কেন্দ্ৰটোৱে প্ৰকাশ কৰিছে।