ৰাজ্যৰ পৰিবহন মন্ত্ৰী কেশৱ মহন্তই আজি গুৱাহাটী ফাঁচী বজাৰৰ সমীপত নির্মীয়মান গুৱাহাটী প্রৱেশ পথ ঘাট অর্থাৎ গেটৱে অব গুৱাহাটী টার্মিনেলৰ নিৰ্মাণ কাৰ্য পৰিদৰ্শন কৰি কাম-কাজৰ অগ্ৰগতিৰ বুজ লয়।
পৰিদৰ্শন কালত মন্ত্ৰীগৰাকীয়ে ঘাটটো শীঘ্ৰেই নিৰ্মাণ কৰি জনসাধাৰণৰ সুবিধাৰ বাবে এই ঘাটেৰে নদী পৰিবহন ব্যৱস্থা মুকলি কৰিবলৈ আভ্যন্তৰীণ জল পৰিবহন উন্নয়ন সমিতিক দিহা-পৰামৰ্শ দিয়ে।
মন্ত্ৰীগৰাকীয়ে এই সম্পর্কত কয় যে নির্মীয়মান গুৱাহাটীৰ প্ৰবেশ পথ ঘাটেৰে ভ্ৰমণ কৰা যাত্ৰীসকলে পূৰ্বৰ তুলনাত সূচলভাৱে যাতায়ত কৰিবলৈ সক্ষম হ’ব।