ভাৰতীয় বতৰ বিজ্ঞান বিভাগে অসম, মেঘালয় আৰু পশ্চিমবংগৰ হিমালয়ৰ দাতিকাষৰীয়া অঞ্চলসমূহত পৰৱৰ্তী ২-৩ দিনলৈ ধাৰাষাৰ বৰষুণ অব্যাহত থাকিব পাৰে বুলি আগলি বতৰা দিছে। এই সময়ছোৱাত দাক্ষিণাত্যতো বিজুলী থেৰেকণীৰে ধুমুহা বৰষুণ হব পাৰে বুলি কোৱা হৈছে। বিভাগে লগতে উত্তৰ ভাৰতৰ ভালেমান ঠাইত পৰৱৰ্তী ২৪ ঘণ্টালৈ গ্ৰীষ্ম প্রবাহৰ প্ৰকোপ অব্যাহত থাকিব পাৰে আৰু তাৰ পাছত লাহে লাহে গৰমৰ প্ৰকোপ হ্ৰাস পাব পাৰে বুলি প্ৰকাশ কৰিছে। ভূমধ্য সাগৰীয় অঞ্চলত বায়ুমণ্ডলৰ যথেষ্ট উচ্চতাত সৃষ্টি হোৱা প্ৰৱল ধুমহা বলয়ৰ প্ৰভাৱত উত্তৰ ভাৰতৰ ভালেমান ঠাইত বৰষুণ হব পাৰে বুলিও বতৰ বিজ্ঞান বিভাগে আগলি বতৰা দিছে।