প্ৰতিৰক্ষামন্ত্ৰী ৰাজনাথ সিঙে আজি চেন্নাইত ভাৰতীয় উপকূলৰক্ষী বাহিনীৰ অত্যাধুনিক সামুদ্রিক উদ্ধাৰ সমন্বয় কেন্দ্ৰ মুকলি কৰিব। তেওঁ লগতে সামুদ্রিক প্ৰদূষণ নিয়ন্ত্রণ কেন্দ্ৰ আৰু পুডুচেৰীত উপকূলৰক্ষী বাহিনীৰ বায়ু বহিঃক্ষেত্র উদ্বোধন কৰিব। চেন্নাই বন্দৰৰ সামুদ্রিক প্ৰদূষণ নিয়ন্ত্ৰণ কেন্দ্ৰ, সমুদ্ৰৰ জলপ্ৰদূষণ ৰোধৰ দিশৰ পৰা গুৰুত্বপূৰ্ণ হ’ব। উপকূলৰ সমীপৰ জলৰাশিত তেল আৰু ৰাসায়নিক দ্ৰব্যৰ নিৰ্গমন হ’লে যাৱতীয় ব্যৱস্থা গ্ৰহণত এই কেন্দ্ৰটোৱে গুৰুত্বপূৰ্ণ ভূমিকা পালন কৰিব। ভ্রমণকালত প্ৰতিৰক্ষা মন্ত্ৰীগৰাকীয়ে তামিলনাডুৰ প্ৰয়াত মুখ্যমন্ত্রী এম কৰুণানিধিৰ সন্মাৰ্থে এটা স্মাৰক মুদ্ৰা জাৰি কৰিব।