প্রধানমন্ত্ৰী নৰেন্দ্ৰ মোদীয়ে অহা ২৮ জানুৱাৰীত ভূৱনেশ্বৰৰ জনতা ময়দানত উৎকর্ষ ওড়িশাঃ মেক ইন ওড়িশা কনক্লেভ ২০২৫ উদ্বোধন কৰিব। তেওঁ ভাৰতৰ লগতে প্ৰায় ১২খন দেশৰ উদ্যোগপতি আৰু বিনিয়োগকাৰীৰ সমাবেশত ভাষণ দিব। অহা ২৮ আৰু ২৯ জানুৱাৰীত হ’বলগীয়া এই দুদিনীয়া সন্মিলনখনত অস্ট্রেলিয়া, মালয়েছিয়া, ছিংগাপুৰ, জাপান আৰু আন কেইবাখনো দেশৰ বিনিয়োগকাৰীয়ে অংশগ্ৰহণ কৰিব। এই সন্মিলনৰ মূল লক্ষ্য হৈছে বিভিন্ন খণ্ডত ঘৰুৱা আৰু আন্তঃৰাষ্ট্ৰীয় বিনিয়োগ বৃদ্ধি কৰাৰ লগতে ওড়িশাক পূব ভাৰতৰ ঔদ্যোগিক কেন্দ্ৰ হিচাপে স্থাপন কৰা। এই সন্মিলনখনে ৰাজ্যখনৰ ঔদ্যোগিক শক্তি, কৌশলগত সুবিধা আৰু বিশ্ব বিনিয়োগকাৰীৰ উল্লেখযোগ্য বৃদ্ধিৰ সম্ভাৱনাৰ ক্ষেত্ৰত গুৰুত্ব আৰোপ কৰিব৷