প্রধানমন্ত্ৰী নৰেন্দ্ৰ মোদীয়ে অহা ৯ চেপ্তেম্বৰত ২১ সংখ্যক পশুধনৰ পিয়ল কাৰ্যসূচী শুভাৰম্ভ কৰিব। এই উপলক্ষে দেশৰ বিভিন্ন প্ৰান্তৰ লগতে অসমতো প্রস্তুতি অব্যাহত আছে। দক্ষিণ শালমাৰা মানকাচৰ জিলাৰ সদৰ হাটশিঙিমাৰীত আজি এই পিয়লৰ বাবে জিলা পৰ্যায়ৰ গণনাকাৰী বিষয়াসকলক প্ৰশিক্ষণ প্ৰদান কৰা হয়। অসম পশুপালন বিভাগৰ অধীনত হাটশিঙিমাৰী মহকুমা পশুপালন বিভাগে জিলাখনৰ শতাধিক বিষয়া- কৰ্মচাৰীক এখন কৰ্মশালাৰ জৰিয়তে পশুধনৰ গণনাকাৰ্য্য সম্পৰ্কে অৱগত কৰে। এই কাৰ্যসূচীত হাটশিঙিমাৰী মহকুমা পশুপালন বিষয়াকে ধৰি কেইবাগৰাকীও বিষয়া-কৰ্মচাৰী উপস্থিত আছিল। উল্লেখযোগ্য যে প্রধানমন্ত্রীয়ে এই কার্যসূচী আনুষ্ঠানিকভাৱে উদ্বোধন কৰাৰ পাছত দেশৰ ৫০০ খন জিলাৰ প্ৰতিখন গাওঁত বিভাগীয় বিষয়াসকলে জৰীপ চলাব বুলি জানিব পৰা গৈছে।