প্রধানমন্ত্ৰী নৰেন্দ্ৰ মোদীয়ে আজি চণ্ডীগড়ত এন ডি এ-ৰ মুখ্যমন্ত্ৰী তথা উপ-মুখ্যমন্ত্ৰীবৰ্গৰ এখন সন্মিলনৰ অধ্যক্ষতা কৰিব। সন্মিলনত বিজেপিৰ সভাপতি জে পি নাড্ডা, প্ৰতিৰক্ষা মন্ত্ৰী ৰাজনাথ সিং আৰু গৃহমন্ত্ৰী অমিত শ্বাহেও অংশগ্ৰহণ কৰিব। বিজেপিৰ এটা বিবৃতি অনুসৰি হাৰিয়ানাৰ মুখ্যমন্ত্ৰী হিচাপে নায়ব সিং ছাইনীৰ শপত গ্ৰহণৰ লগে লগে এই সন্মিলন আৰম্ভ হ’ব। সন্মিলনত ৰাষ্ট্ৰীয় উন্নয়নৰ সৈতে জড়িত বিষয়সমূহত গুৰুত্ব আৰোপ কৰি বিশেষ কাৰ্যসূচীৰ বিষয়ে আলোচনা কৰা হ’ব। সন্মিলনত সংবিধান কা অমৰুত মহোৎসৱ পালন সন্দৰ্ভতো আলোচনা কৰা হ’ব বুলি জানিব পৰা গৈছে। দেশত বৰ্তমান বিজেপিৰ ১৩ গৰাকী মুখ্যমন্ত্ৰী আৰু ১৬ গৰাকী উপ-মুখ্যমন্ত্ৰী আছে। ইয়াৰ লগতে মহাৰাষ্ট্ৰ, অন্ধ্ৰ প্ৰদেশ, বিহাৰ, ছিকিম, নাগালেণ্ড আৰু মেঘালয়ত বিজেপিৰ মিত্ৰদলৰ মুখ্যমন্ত্ৰী আছে।