ৰাষ্ট্ৰীয় চেম্পিয়ন অৰুন্ধতি চৌধুৰীয়ে আজি থাইলেণ্ডৰ বেংককত অনুষ্ঠিত পেৰিছ অলিম্পিকৰ বক্সিঙৰ বিশ্ব যোগ্যতা নিৰূপণকাৰী প্রতিযোগিতাৰ ৬৬ কিলোগ্রাম শাখাৰ খেলত জয়লাভ কৰি প্ৰি কোৱাৰ্টাৰ ফাইনেলত প্ৰৱেশ কৰে। চৌধুৰীয়ে প্ৰতিযোগিতাৰ প্ৰথম ৰাউণ্ডত প’ৰেটো ৰিকোৰ ষ্টিফেনি পিনেইবোৰ বিৰুদ্ধে সহজে জয়লাভ কৰাৰ বিপৰীতে দ্বিতীয় পাউণ্ডত তেওঁ কিছু ৰক্ষণশীল খেল প্ৰদৰ্শন কৰে। পৰৱৰ্তী ৰাউণ্ডত উন্নত প্ৰদৰ্শনেৰে খেলখনত তেওঁ ৫-০ ফলাফলত জয়লাভ কৰে। আন এগৰাকী ভাৰতীয় বক্সাৰ নৰেন্দ্ৰৰ বাৰৱালে ৯২ কেজিৰ উৰ্ধৰ শাখাত ইকুৱেডৰৰ গাৰ্লন গিলমাৰ কংগ’ চালাৰ বিৰুদ্ধে তীব্ৰ প্রতিদ্বন্দিতা আগবঢ়াই যদিও পৰৱৰ্তী ৰাউণ্ডত প্ৰৱেশ কৰিবলৈ অসমৰ্থ হয়।