ৰাষ্ট্ৰপতি শ্ৰীমতী দ্রৌপদী মুৰ্মুৱে কৃষিভিত্তিক উৎসৱ নুৱাখাই উপলক্ষে বিশেষকৈ ওড়িশাৰ জনসাধাৰণক অভিনন্দন জ্ঞাপন কৰিছে। ৰাষ্ট্ৰপতিগৰাকীয়ে সামাজিক মাধ্যমযোগে এই উৎসৱক দেশৰ খেতিয়কসকলৰ প্ৰতি কৃতজ্ঞতা প্রকাশ কৰাৰ উপলক্ষ্য বুলি অভিহিত কৰে। তেওঁ লগতে এইবুলি কামনা কৰে যে, এই উৎসৱে যেন সকলোৰে জীৱনলৈ সুখ আৰু সমৃদ্ধিৰ বতৰা কঢ়িয়াই আনে। ইফালে প্রধানমন্ত্ৰী নৰেন্দ্ৰ মোদীয়ে নোৱাখাই উপলক্ষে জনসাধাৰণলৈ শুভেচ্ছা জ্ঞাপন কৰিছে। সামাজিক মাধ্যমৰ জৰিয়তে দিয়া এটা বাৰ্তাত প্ৰধানমন্ত্ৰীগৰাকীয়ে দেশৰ কৃষকসকলৰ প্ৰতি কৃতজ্ঞতা প্ৰকাশ কৰাৰ লগতে সমাজত তেওঁলোকৰ বৰঙণিক প্ৰশংসা কৰে।