ৰাষ্ট্ৰপতি শ্ৰীমতী দ্রৌপদী মুৰ্মুয়ে চুবুৰীয়া প্ৰথম নীতিৰ অধীনত আজি নতুন দিল্লীৰ ৰাষ্ট্ৰপতি ভৱনত নেপালৰ প্ৰধানমন্ত্রী পুষ্প কমল দহল প্রচণ্ডৰ সৈতে এখন বৈঠকত মিলিত হয়। বৈঠকত ৰাষ্ট্ৰপতি শ্ৰীমতী মুৰ্মুৱে দুয়োখন দেশৰ মাজৰ অনন্য সম্পৰ্ক অধিক শক্তিশালী কৰাত দিল্লীৰ প্ৰতিশ্ৰুতিবদ্ধতাৰ বিষয়ে উল্লেখ কৰে। দুয়োগৰাকী নেতাই দেশ দুখনৰ জনসাধাৰণক উপকৃত কৰাৰ হকে নেপালৰ বিভিন্ন খণ্ডত উন্নয়নমূলক উদ্যমসমূহ আগবঢ়াই নিয়া সন্দৰ্ভতো আলোচনা কৰে।