ছাত্ৰ-ছাত্ৰীৰ নৈতিক পতন আৰু মাদক দ্ৰব্যৰ প্ৰতি আসক্তি বৃদ্ধিয়ে সমাজত পেলোৱা কু-প্ৰভাৱ দূৰীকৰণৰ বাবে আজি নিখিল বড়ো ছাত্ৰ সন্থাৰ বাক্সা জিলা সমিতিয়ে মুছলপুৰত এখন শৈক্ষিক আলোচনা সভা অনুষ্ঠিত কৰে। আলোচনাসভাত মহকুমাটোৰ বড়ো মাধ্যমৰ বিদ্যালয়সমূহৰ শিক্ষক-শিক্ষয়িত্ৰী উপস্থিত থাকে। সভাত উপস্থিত থাকি নিখিল বড়ো ছাত্ৰ সন্থাৰ জিলা সমিতিৰ সভাপতিয়ে নৱ প্ৰজন্মক অনুজ্ঞাপত্ৰ অবিহনে আৰু সুৰাপান কৰি যান-বাহন নচলাবলৈ আহ্বান জনায়।