কেন্দ্ৰীয় বস্ত্ৰ দপ্তৰৰ ৰাজ্য মন্ত্ৰী পৱিত্ৰ মাৰ্ঘেৰিটাই আজি নতুন দিল্লীত বহনক্ষম বস্ত্র সন্মিলনৰ তৃতীয় সংস্কৰণ উদ্বোধন কৰে। বস্তুক্ষেত্ৰত প্ৰত্যাহ্বানৰ মুখামুখি হোৱাৰ লগতে ইয়াৰ বহনক্ষমতা বৃদ্ধিৰ সুবিধা প্ৰদানৰ বাবে এই কাৰ্যসূচীৰ আয়োজন কৰা হৈছে। অনুষ্ঠানত দিয়া ভাষণত শ্ৰী মাৰ্ঘেৰিটাই কৰ্মসংস্থাপন সৃষ্টিৰ ক্ষেত্ৰত বহনক্ষমতা মূল চাবি-কাঠী বুলি উল্লেখ কৰি বস্ত্ৰ উদ্যোগৰ বহনক্ষমতাৰ ক্ষেত্ৰত বিশ্বক নেতৃত্ব দিয়াৰ বাবে ভাৰতৰ লক্ষ্যৰ বিষয়ে উল্লেখ কৰে। তেওঁ কয় যে কেন্দ্ৰীয় চৰকাৰ আৰু অংশীদাৰী গোটসমূহে এইক্ষেত্ৰত ঐক্যবদ্ধ হৈ লক্ষ্যত উপনীত হোৱাৰ বাবে কাম-কাজ অব্যাহত ৰাখিছে। তেওঁ লগতে কয় যে ভাৰতে বহনক্ষমতাক আধুনিক জীৱনশৈলী হিচাপে গ্ৰহণ কৰিছে। এয়া কেৱল জনসাধাৰণৰ ৰুচিয়েই নহয়, প্রয়োজনো বুলি তেওঁ উল্লেখ কৰে। তেওঁ লগতে কয় যে ফাইভ এফৰ নীতি অর্থাৎ ফাৰ্ম, ফাইবাৰ, ফেক্টৰী, ফেচন আৰু ফ’ৰেন মাৰ্কেটৰ সহায়ত ভাৰতে সেউজ বস্ত্ৰ উদ্যোগ গঢ়ি তোলাৰ দিশে অগ্ৰসৰ হৈছে।