বিক্ৰম মিস্ত্ৰীয়ে আজি দেশৰ বিদেশ সচিবৰ দায়িত্বভাৰ গ্ৰহণ কৰে। ইয়াৰ পূৰ্বৰ বিদেশ সচিব বিনয় মোহন কোৱাট্টাৰ কাৰ্যকাল কালি শেষ হয়। শ্রীমিস্ত্রী হৈছে ১৯৮৯ বেটছৰ ভাৰতীয় বিদেশ সেৱাৰ এগৰাকী বিষয়া। তেওঁ ৰাষ্ট্ৰীয় নিৰাপত্তা পৰিষদ সচিবালয়ত উপ ৰাষ্ট্ৰীয় সুৰক্ষা পৰামৰ্শদাতা হিচাপে কৰ্মৰত আছিল। তদুপৰি তেওঁ চীন, ম্যানমাৰ আৰু স্পেইনত ভাৰতীয় দূত হিচাপে সেৱা আগবঢ়াইছিল। শ্রীমিস্ত্রীয়ে ১৯৯৭ চনত ইন্দ্ৰ কুমাৰ গুজৰাল, ২০১২ চনত মনমোহন সিং আৰু ২০১৪ চনত নৰেন্দ্ৰ মোদী এই তিনিগৰাকী প্রধানমন্ত্ৰীৰ ব্যক্তিগত সচিব হিচাপেও কৰ্মৰত আছিল।