ৰাষ্ট্ৰপতি শ্ৰীমতী দ্রৌপদী মুৰ্মুৱে দুৰ্গা পূজা উপলক্ষে দেশ-বিদেশৰ জনসাধাৰণক ওলগ জনাইছে। শ্রীমুৰ্মুৱে তেওঁৰ বাৰ্তাত কৈছে যে অশুভ শক্তিৰ বিৰুদ্ধে শুভ শক্তিৰ বিজয় আৰু সাহসৰ প্ৰতীক হিচাপে দুৰ্গা পূজা পালন কৰা হয়। তেওঁ কয় যে এই উৎসৱ, দেৱী দুৰ্গাৰ প্ৰতি পূৰ্ণ সমর্পন তথা সকলো ধৰ্মৰ মাজত একতা আৰু সম্প্রীতি প্ৰসাৰৰ এটা উপলক্ষ্য। ৰাষ্ট্ৰপতিগৰাকীয়ে লগতে মহিলাসকলে উচিত সন্মান আৰু আদৰ লাভ কৰিব পৰা এখন সংবেদনশীল আৰু সমতাপূর্ণ সমাজ গঢ়ি তুলিবলৈ দেৱী দুৰ্গাৰ ওচৰত প্ৰাৰ্থনা জনাইছে।