শিৱসাগৰত দুদিনীয়া কাৰ্যসূচীৰে অনুষ্ঠিত হোৱা সদৌ টাই আহোম ছাত্ৰ সন্থাৰ ৩৬ সংখ্যক কেন্দ্রীয় প্ৰতিষ্ঠা দিৱসৰ কালি সামৰণি পৰে। শিৱসাগৰ ছোৱালী মহাবিদ্যালয়ৰ প্ৰেক্ষাগৃহত অনুষ্ঠিত প্ৰতিষ্ঠা দিৱসৰ দ্বিতীয় দিনাৰ কাৰ্যসূচীত কালি সন্ধিয়া কেন্দ্রীয় মন্ত্রী পবিত্ৰ মাৰ্ঘেৰিটাই মুখ্য অতিথি হিচাপে অংশগ্রহণ কৰে। কাৰ্যসূচীত অংশগ্রহণ কৰি মন্ত্ৰীগৰাকীয়ে ৬টা জনগোষ্ঠীৰ জনজাতিকৰণৰ সন্দৰ্ভত বর্তমান চৰকাৰে চিন্তা-চৰ্চা কৰি আছে বুলি মন্তব্য কৰে। অনুষ্ঠানত ৰংপুৰ নামৰ এখন স্মৃতিগ্ৰন্থ উন্মোচন কৰা হয়।