ভাৰতে যোৱা নিশা জোহান্সবার্গত অনুষ্ঠিত চাৰিখনীয়া টি-২০ ক্রিকেট শৃংখলাৰ চতুৰ্থ তথা অন্তিমখন খেলত দক্ষিণ আফ্ৰিকাক ১৩৫ ৰানত পৰাস্ত কৰি ৩-১ ফলাফলেৰে শৃংখলা হস্তগত কৰে। খেলখনত ভাৰতে টছত জিকি প্রথমে বেটধৰাৰ সিদ্ধান্ত লৈ নিৰ্ধাৰিত ২০ অভাৰত এটা উইকেট হেৰুৱাই ২৮৩ ৰান সংগ্ৰহ কৰে। ভাৰতৰ হৈ তিলক বাৰ্মাই ৪৭ টা বলত ১২০ ৰান কৰে। সঞ্জু ছেমছনে ৫৬ টা বলত ১০৫ ৰানৰ বৰঙণি আগবঢ়ায়। তিলক বাৰ্মা আৰু সঞ্জু ছেমছনৰ যুটীটোৱে ২১০ ৰান কৰি আউট নোহোৱাকৈ থাকে । ভাৰতৰ টি-২০ আন্তঃৰাষ্ট্ৰীয় ক্ৰিকেটৰ ইতিহাসত এয়া কোনো এটা যুটীয়ে সংগ্ৰহ কৰা সৰ্বাধিক ৰান। প্ৰত্যুত্তৰত দক্ষিণ আফ্ৰিকাই ১৮ অভাৰ আৰু ২ টা বলত ১৪৮ ৰানহে কৰিবলৈ সমৰ্থ হয়। ভাৰতৰ হৈ অৰ্শদীপ সিঙে তিনিটা উইকেট দখল কৰে। বৰুন চক্ৰৱৰ্তী আৰু অক্ষৰ পেটেলে দুটাকৈ উইকেট লাভ কৰে। তিলক বাৰ্মাক প্লেয়াৰ অব দ্যা মেচ হিচাপে ঘোষণা কৰা হয়।