■ ধ্বনি লোককৃষ্টি সমাজৰ উদ্যোগত কালি ঢেকীয়াজুলি নগৰৰ বিহু ভৱনত লোকনায়ক অমিয় কুমাৰ দাসৰ জীৱনৰ আধাৰত প্ৰস্তুত কৰা এখন তথ্যচিত্র উন্মোচন কৰা হয়। তথ্যচিত্ৰখনৰ জৰিয়তে দেশ আৰু ঢেকিয়াজুলিৰ প্ৰতি স্বাধীনতা সংগ্ৰামী, ৰাজনৈতিক নেতা অমিয় কুমাৰ দাসৰ অৱদানৰ বিবৰণ দাঙি ধৰা হৈছে । উন্মোচনী অনুষ্ঠানত মুখ্য অতিথি হিচাপে সমাজ সংস্কাৰক আৰু সংগঠক ৰমেশ বৰুৱাই ভাষণ আগবঢ়ায়। অনুষ্ঠানত ড০ শুকদেৱ অধিকাৰী, ড০ হৰিপ্ৰসাদ বৰুৱা, পল্লবী বৰুৱা, নৰেন হালৈ আৰু ঈশ্বৰ গোপালকৃষ্ণ ৰাভা আদিকে ধৰি গণ্যমান্য বহুতো লোক উপস্থিত থাকে। তথ্যচিত্ৰখনৰ মূল উদ্যোক্তা আছিল মুনীন্দ্ৰ নীল ডেকা, মানস জ্যোতি নাথ, হিৰণ্য বৰা, প্রমোদ ভূমিজ, অজয় দাস আৰু ৰূপক ভূঞা।