সদৌ অসম কোচ ৰাজবংশী উন্নয়ন পৰিষদৰ সৌজন্যত ঢকুৱাখনা জিলা সন্মিলনীৰ সহযোগত আয়োজিত কোচ ৰাজবংশী জনগোষ্ঠীয় নৃত্য গীতৰ ৭ দিনীয়া কৰ্মশালাৰ আজি সামৰণি পৰে। মৰনৈ গাওঁ পঞ্চায়তত কাৰ্যালয়ত অনুষ্ঠিত সামৰণি অনুষ্ঠানৰ কাৰ্যসূচীত বীৰ চিলাৰায়ৰ প্ৰতিমূৰ্তিত সদৌ অসম কোচ ৰাজবংশী উন্নয়ন পৰিষদৰ সদস্য ধৰণী বৰুৱাই মাল্যাৰ্পন কৰে। অনুষ্ঠানত মুখ্য অতিথিৰূপে অংশগ্ৰহণ কৰি বিধায়ক নৱ কুমাৰ দলে এনে নৃত্য গীতৰ কৰ্মশালাই জাতীয় কৃষ্টিৰ বিকাশত সহায়ক হ’ব বুলি উল্লেখ কৰে। ৭ দিনীয়া কৰ্মশালাত কোকৰাঝাৰৰ শিল্পী দিলিপ ৰয়, বঙাইগাওঁৰ ৰশ্মি দাসৰ নেতৃত্বত কোচবিহাৰ, কোকৰাঝাৰ আৰু বঙাইগাওঁৰ পৰা অহা এটা অভিজ্ঞ শিল্পীৰ দলে ডেৰ শতাধিক প্ৰশিক্ষাৰ্থীক প্রশিক্ষণ প্রদান কৰে। প্ৰশিক্ষাৰ্থীসকলে কৰ্মশালাৰ সামৰণি উপলক্ষে ৩ টাকৈ ভিন্ন শৈলী কোচ ৰাজবংশী নৃত্য পৰিবেশন কৰে।