ডেন এছিমগলু, ছাইমন জনছেন আৰু জেইমছ ৰবিনছনলৈ ২০২৪ বৰ্ষৰ অৰ্থনীতিৰ ন’বেল পুৰস্কাৰ আগবঢ়োৱা হৈছে। দেশৰ সমৃদ্ধিক সাকাৰ কৰাৰ ক্ষেত্ৰত সামাজিক সংস্থাসমূহৰ ভূমিকা সন্দৰ্ভত কৰা যুগান্তকাৰী গৱেষণাৰ বাবে তেওঁলোকলৈ এই সন্মান আগবঢ়োৱা হৈছে। অর্থনীতিৰ পুৰষ্কাৰ ঘোষণা কৰি ৰয়েল ছুইডিছ একাডেমী অফ ছাইন্সেজৰ ন’বেল সমিতিয়ে দেশৰ অৰ্থনৈতিক বিকাশ, অসমানতা হ্ৰাস আৰু আইনৰ শাসন উন্নীতকৰণৰ ক্ষেত্ৰত সামাজিক প্রতিষ্ঠানসমূহৰ অৱদানৰ সন্দৰ্ভত তিনিওগৰাকী অর্থনীতিবিদৰ গৱেষণাক প্ৰশংকা কৰে৷