পঞ্চায়ত আৰু গ্ৰামোন্নয়ন বিভাগৰ অধীনৰ অসম ৰাজ্যিক গ্ৰামীণ জীৱিকা অভিযানৰ উদ্যোগত ডিব্ৰুগড়ৰ চৌকিডিঙি খেলপথাৰত কালিৰ পৰা অসমী সৰস মেলা ২০২৪ আৰম্ভ হৈছে। দহদিনীয়াকৈ হ’বলগীয়া এই মেলাৰ শুভাৰম্ভ অনুষ্ঠানত ৰাজ্যসভাৰ সাংসদ ৰামেশ্বৰ তেলী, দুলিয়াজানৰ বিধায়ক তেৰছ গোৱালা, মৰাণৰ বিধায়ক চক্ৰধৰ গগৈ, জিলা আয়ুক্ত, জিলা পৰিষদৰ মুখ্য কাৰ্যবাহী বিষয়া, অসম ৰাজ্যিক গ্ৰামীণ জীৱিকা অভিযানৰ মিছন সঞ্চালককে বহুগৰাকী বিশিষ্টি ব্যক্তি উপস্থিত থাকে। মেলাখনত ৰাজ্যৰ লগতে গোৱা, উত্তৰ প্রদেশ, পাঞ্জাব, কেৰালা, ছিকিম, জম্মু-কাশ্মীৰ, অৰুণাচল প্ৰদেশৰ কেইবাটাও আত্মসহায়ক গোটে অংশগ্রহণ কৰে।