■ কেন্দ্ৰীয় চৰকাৰৰ পৰিৱেশ আৰু বন মন্ত্ৰালয়ৰ নিৰ্দেশনা অনুসৰি ডিব্ৰুগড়ৰ জিলা আয়ুক্ত বিক্ৰম কৈৰীয়ে কালি জিলাখনৰ বাবে বালি আৰু নদীগর্ভ খননৰ ক্ষেত্ৰত এখন অধিসূচনাযোগে খচৰা জিলা জৰীপ প্রতিবেদন প্ৰকাশ কৰিছে। বন সংমণ্ডল প্ৰাধিকাৰী বিষয়া ডিব্ৰুগড়ৰ কাৰ্যালয় আৰু ডিব্ৰুগড় জিলা প্ৰশাসনৰ ৱেবছাইটত এই খচৰা জিলা জৰীপ প্রতিবেদন উপলভ্য হ’ব। এই খচৰা সন্দৰ্ভত পৰামৰ্শ, মতামত অথবা ওজব-আপত্তি থাকিলে লিখিত আবেদন বন সংমণ্ডল প্ৰাধিকাৰী বিষয়া ডিব্ৰুগড়ৰ ই-মেইল আইডিত দাখিল কৰিব লাগিব। আবেদন দাখিল কৰাৰ অন্তিম দিন ২ অক্টোবৰ ধাৰ্য কৰা হৈছে। ডিব্ৰুগড় জিলাৰ বাবে জিলা জৰীপ প্রতিবেদনৰ এই খচৰা অধিসূচনা জাৰি কৰা তাৰিখৰ পৰা ২১ দিনৰ বাবে ৰাজহুৱা সমীক্ষা আৰু মন্তব্যৰ বাবে উপলভ্য হ’ব।