টেক্সাচৰ ফৰ্ট ৱৰ্থ কনভেনচন চেন্টাৰত কালি বি ডব্লিউ এফ ইউ এছ অপেন বেডমিন্টন প্রতিযোগিতা আৰম্ভ হৈছে। পুৰুষৰ ডাবলছৰ এখন খেলত ভাৰতৰ কৃষ্ণ প্ৰসাদ গৰাগা আৰু চাই প্ৰতীকৰ যুটিটোৱে স্কট গিল্ডিয়া আৰু পল ৰেনল্ডছৰ আয়াৰলেণ্ডৰ যুটিটোক ২১-১৪, ২১-১২ ব্যৱধানত পৰাস্ত কৰে। মহিলাৰ ডাবলছৰ এখন খেলত আজি আবেলি ট্রিচা জলি আৰু গায়ত্ৰী গোপীচান্দৰ যুটিটোৱে চীনা টাইপেইৰ পি চেইহ আৰু ই হাঙৰ বিৰুদ্ধে অৱতীৰ্ণ হ’ব। কার্তিকে গুলচন কুমাৰে যোৱা নিশা চীনা টাইপেইৰ জে লিয়াওৰ হাতত ১৯-২১, ১৩-২১ ব্যৱধানত পৰাজিত হোৱাৰ পিছত পুৰুষৰ একক কোৱাৰ্টাৰ ফাইনেলৰ বাবে যোগ্যতা অৰ্জন কৰিবলৈ অসমৰ্থ হয়। অলিম্পিকলৈ এমাহৰো কম সময় বাকী থকা অৱস্থাত পেৰিছ অভিমুখী ভাৰতীয় খেলুৱৈ পি ভি সিন্ধু, এইচ এছ প্ৰণয়, লক্ষ্য সেন, সাতৱিকচাইৰাজ ৰেংকিৰেড্ডী, চিৰাগ চেট্টী, অশ্বিনী পোনাপ্পা আৰু তানিশা ক্রেষ্টোয়ে প্রতিযোগিতাখনত অংশগ্ৰহণ কৰা নাই৷